Beskrivning

Çemên Dîcle û Feratê du şahdamarên Mezopotamyayê ne. Berî dîrokê li bakurê Mezopotamyayê hûrî-mîtanî û li başûr jî sumerî, akadî, elemî û nînovayîyan li derdora herdu çeman gund û bajar ava kirine. Dest bi çandinî, avedanî û xwedîkirina heywanan kirine. Di pirtûkên semawî de Dîcle û Ferat ji buhiştê dizên û belav dibin. Di efsaneyan de ev herdu çem ji Kurdistanê dertên û diçin buhiştê. Ji destpêka dîrokê ve best û deştên Dîcle û Feratê bi axa xwe ya berhemdar bûne ambara zad û zexîreyên Rojhilata Navîn. Loma Mezopotamya ji destpêkê heta îro bûye armanca dagîrker û talankerên wek pers, rom-bizans, ereb, selçûk-osmanî û moxolan. Petrol li Lozanê bû sedema perçebûna Kurdistanê. Bi bendavên li ser ava Dîcle û Feratê jî dîrok û berhemên hezar salan binav kirin.